თავდაჯერებულობა ნებისმიერ პირობებში მგზავრობისას
იმოგზაურეთ ნებისმიერ ადგილას, ელექტროენერგიის ძალა უსაზღვროა.
ელექტრო ავტომობილი იდეალურია ქალაქში გადაადგილებისთვის
რატომ არის ხშირად რეალური ელექტრო სასვლო მარაგი რეკლამირებულზე უფრო ნაკლები?
რეკლამირებული მონაცემები მძღოლებს საშუალებას აძლევს შეადარონ სხვადასხვა მანქანის მაჩვენებლები ერთსა და იმავე პირობებში მოძრაობისას. ამისთვის ყველა მწარმოებელი ტესტირებას ატარებს ერთი და იგივე WLTP-ის (World Light Harmonised Test Procedure) გამოყენებით და მიუთითებს ამ მონაცემებს.
WLTP-ის კონტროლირებად პირობებთან და ტემპერატურებთან შედარებით, რეალურ სამყაროში თქვენი სასვლო მარაგი განსხვავებული იქნება ისეთი ფაქტორების გათვალისწინებით, როგორიცაა სიჩქარე, გარე ტემპერატურა და ტვირთის წონა.
ელექტრო ჰიბრიდის რეალური სასვლო მარაგის კალკულატორი
ჩვენი ჰიბრიდული ელექტრო SUV-ები რეალურ პირობებში, როგორც წესი, აღწევენ 49–96 კმ ელექტრო სავალ მანძილს (სერტიფიცირებული 63–122 კმ), მოდელისა და მართვის სტილის მიხედვით.
რეალურ პირობებში ელექტრო ჰიბრიდის სასვლო მარაგის გამოსათვლელად, ქვემოთ მოცემულ სასვლო მარაგის კალკულატორში შეიყვანეთ შესაბამისი პარამეტრები.
როგორ გავზარდო ჩემი ელექტრო ავტომობილის სასვლო მარაგი?
ჩვეულებრივ, ელექტრო ავტომობილის სასვლო მარაგზე გავლენას ახდენს მართვის რეალური პირობები. სახლის პირობებში დამუხტვის მოწყობილობაზე წვდომის შემთხვევაში, სასვლო მარაგი არასდროს არ უნდა წარმოადგენდეს პრობლემას მოკლე მანძილებზე მგზავრობებისთვის, თუმცა მაინც არსებობს რამდენიმე მარტივი მეთოდი თქვენი ყოველდღიური სასვლო მარაგის მაქსიმალურად გასაზრდელად.
წინასწარი კონდიცირება
მართვის სიჩქარე
ეკო რეჟიმი
დამუხრუჭებისას ენერგიის რეგენერაცია
შექმნილია ხანგრძლივობისთვის
ისევე როგორც Range Rover-ის დანარჩენი ნაწილები, ძლიერი ლითიუმ-იონური ბატარეა შექმნილია იმისთვის, რომ უზრუნველყოს სრული ნდობა წლიდან წლამდე და ნებისმიერ პირობებში.
როგორ მუშაობს ბატარეა?
თქვენს ელექტრო ავტომობილში დამონტაჟებული აკუმულატორი წარმოადგენს რამდენიმე ინდივიდუალური დამუხტვადი ლითიუმ-იონის ტიპის მოდულისგან შემდგარ კომპლექტს.
რენჯ როვერი-ის აქსელერატორის პედალზე დაჭერისას, აკუმულატორის ენერგია გადაეცემა ელექტრო მოტორს, რომელიც თავის მხრივ ამოძრავებს ელექტრო ავტომობილის ბორბლებს. დაგროვებული ელექტროენერგიის გახარჯვის შემდეგ, გარკვეულ ეტაპზე საჭირო გახდება აკუმულატორის დამტენთან შეერთება და ხელახლა დამუხტვა.
რამდენ ხანს ძლებს ბატარეა?
აკუმულატორების ექსპლუატაციის პერიოდი თქვენი ავტომობილის ექსპლუატაციის პერიოდზე უფრო ხანგრძლივია. თქვენს ლეპტოპში ან მობილურ ტელეფონში არსებული ანალოგიური, მაგრამ უფრო მცირე ზომის ლითიუმ-იონის ტიპის ელემენტებისგან განსხვავებით, რენჯ როვერი-ის აკუმულატორის დამზადებისას გამოყენებულია სპეციალური ტექნოლოგია და მეთოდები, რაც უზრუნველყოფს მისი წარმადობის ოპტიმიზაციას, რისი წყალობითაც აკუმულატორი მოგემსახურებათ მრავალი წლის განმავლობაში და გაგატარებთ მრავალ ათას კილომეტრს.
ეს მოიცავს თხევადი გაგრილების დახვეწილ სისტემებს და ჭკვიან ბუფერს, რომელიც უზრუნველყოფს აკუმულატორის დაცვას რეგულარული დამუხტვით გამოწვეული ცვეთის ეფექტისგან.
ჩვენი ბატარეის გარანტია
ჩვენი ელექტრო ავტომობილის აკუმულატორს მოყვება გარანტია, რომელიც მოქმედებს რვა წლის განმავლობაში ან 160 000 კილომეტრის გავლამდე, ხოლო ელექტრო ჰიბრიდების აკუმულატორის გარანტია მოქმედებს ექვსი წლის განმავლობაში ან 100 000 კილომეტრის გავლამდე — ამათგან რომელიც უფრო მალე დადგება. გარანტიის პირობების თანახმად, ჩვენი ელექტრო ავტომობილის ექსპერტები უფასოდ გამოასწორებენ ნებისმიერ საწარმოო დეფექტს.
რეალურად, აკუმულატორის ხარვეზი იშვიათად ფიქსირდება და ზოგადად დაკავშირებულია ერთ-ერთი ელემენტის დეფექტთან. ამ ელემენტის შემცველი მოდული შესაძლებელია მარტივად შეიცვალოს, რის შემდეგაც აკუმულატორი დაიბრუნებს მაქსიმალურ წარმადობას.
ელექტროს მართვა
ელექტრო და ელექტრო ჰიბრიდული ავტომობილები
ჩვენი გზა ნულოვანი ემისიებისკენ
ელექტრო დამუხტვის ახსნა
კალკულაციისთვის გამოყენებულია InControl-ის მონაცემები, რომლებიც ეფუძნება 2023 წლისთვის 30 გლობალურ ბაზარზე Range Rover-ის ავტომობილების გაყიდვების მონაცემებს. გულისხმობს სრულად დამუხტულ ელემენტს.
††აქ მოყვანილი ციფრები ეფუძნება მწარმოებლის ტესტებს, რომელიც სრულად დამუხტული აკუმულატორის შემთხვევაში ევროკავშირის კანონმდებლობას შეესაბამება. გამოიყენება მხოლოდ შესადარებლად. რეალური მაჩვენებლები შეიძლება განსხვავდებოდეს. CO2ის, საწვავის ეკონომიის, ენერგიის მოხმარების და დაფარვადი მანძილის მონაცემები შეიძლება შეიცვალოს ისეთი ფაქტორების გავლენით, როგორიცაა მართვის სტილი, გარემოს მდგომარეობა, დატვირთვა, გამოყენებული საბურავები, აქსესუარები, მარშრუტი და ელემენტის მდგომარეობა. სვლის სიშორის მონაცემები აღებულია სტანდარტულ გზაზე მოძრავი ავტომობილიდან.
‡ელექტრო ავტომობილის სასვლო მარაგის მონაცემები ეფუძნება სერიული ავტომობილის სტანდარტიზებულ მარშრუტზე მოძრაობისას აღებულ მაჩვენებლებს. სასვლო მარაგის მონაცემები შეიძლება განსხვავებული იყოს, რაც დამოკიდებულია ავტომობილის და აკუმულატორის მდგომარეობაზე, რეალურ მარშრუტზე, გარემოზე და მართვის სტილზე.